MUNDEVUSE

 Prquae lés Poetevins le s'asseùmant jha ?

Souent de fés, ol ét quesciun daus corsiquéns, daus brtuns, daus basques den lés novéles, lés ghimentements, de çhau qu'ét, anèut, noumai la France.

Més quoure que le causant de nousàutres, lés poetevins ? Core mèu : nousàutres, de qui qu'i causun le mae ? De noutre naciun ét de sun futur ? De noutre prsent ? De noutre abenajhe ? De la proutécciun de noutre patrimoene ét de noutre parlanjhe ?

Bén sur que nun...

Lés jhens, su més chares tiares dau Poetou, le soujhant avant tot a trac d'in prime noumai France...

Quant ménme que lés votours de che nous, avant massujhounement déchetai Sarkozy, l'avant fét raport a sa poulitique de dréte, anti-souciale, pa pelamor de sun naciounalime françaes.

Ol ét çhi que la chauce cheùgne; le proublléme ét bén lae, poént allour. 

I devun d'abord sunjhàe den nousàutres, den noutre tiare, noutre çhulture.

I avun tot pllén d'élements pr muntàe anèut noutre souciétai de demén, ine souciétai mae jhusce, voure qu'i ariun dau réspéc pr nous ménme, prmàe rolun de l'échale de l'acouneùssence jhenérale. Fàut tot sement usàe de çhèu qu'i avun. Ol ét çhèu qu'ol ét, bun ou mouvaes, mé ol ét a nous...  

digg it | del.icio.us